Советот на општина Валандово ја одложи одлуката за референдумско изјаснување на граѓаните по прашањето „дали се ’за’ или ’против’ работењето на рудниците во „Казандол и Башибос“.

Доцна синоќа Советот на општината со 8 гласа ЗА, донесе одлука  граѓанската инцијатива „Спас за Валандово“ да ги собере потребните 2.000 потписи за да може локалната самоуправа да распише референдумско изјаснување на жителите за отварање на рударскиот  комплекс  Казандол.

Одлуката е донесена по двочасовна расправа, откако претседателката на Советот Јасмина Сечкова  под изговор дека иницијативата е „,неуредна“, не сакаше да се расправа за иницијативата поткрепена со 260 потписи прифатена и од ДИК.

Инвеститорот, украинската компанија „Сардич МЦ“, веќе работи на терен за подигање на постројката за произвдоство на катоден бакар. Камен темелникот го поставија во август минатата година, но членовите на граѓанската иницијатива „Спас за Валандово“ сметаат дека никогаш не е доцна да се реагира, бидејки човечкото здравје и чистата животна средина се многу поважни , наспроти користа од работата на овој капацитет.

Инаку, вчера Советот на Општина Дојран едногласно донесе одлука за и во нивната општина да се одржи референдум на кој граѓаните ќе се изјаснат за „Казандол“.

Претходно, во Гевгелија се одржа успешен референдум, на кој граѓаните се изјаснија против отворање на рудници на планината Кожуф.