Поранешниот белгиски медијатор меѓу партиите во Македонија, Питер Ванхауте во однос на последните измени во Владата, на Твитер со доза на сатира го коментира изборот:

„Новите министри пристигнаа – свежи и неоптоварени со претходни знаења“, пишува Ванхауте, индиректно повикувајќи на одговорност во време на голема политичка криза.

Оваа негова реакција следи откако сите предложени кандидати за министри од редовите на ДУИ на денешната седница на Собранието беа избрани за министерските позиции. Најмлад меѓу нив е заменикот за транспорт и врски Фатон Положани кој има 26 години.

Белгиецот важи за постојан критичар на сите одлуки за кои смета дека не се од интерес на граѓаните на Македонија, а токму поради тоа беше и отфрлен од страна на ВМРО-ДПМНЕ кој го нарече “турист“ кој сакал да експериментира во земјава.

Неодамна, во интервју за НОВА тој рече дека неговата мисија во Македонија не е завршена и дека и во иднина ќе разботи за демократски промени.