Европската ракометна федерација (ЕХФ) го казни Вардар со 15.000 евра поради транспарентот „Талант Петух“ што беше истакнат на натпреварот на домашен терен против Кјелце во Лигата на шампионите пред еден месец. Пораката со навредлива содржина беше упатена кон тренерот на полската екипа, Талант Душебаев и често беше во кадар на ТВ камерите. Самиот Душебаев реагираше на прес-конференцијата поради транспарентот.
Дисциплинската комисија при ЕХФ во своето образложување на одлуката наведе дека содржината на транспарентот ги крши принципите што ги сочинуваат основните вредности на спортот“ и дека Вардар го „толерирал навредливото и хомофобичното однесување во текот на натпреварот“. Македонскиот шампион има рок од седум дена за обжалување на санкцијата.