Шансите Риши Сунак да стане следниот премиер на Велика Британија, се зголемија откако Борис Џонсон се повлече од трката, велејќи дека иако има доволно поддршка сепак дава предимство на единството во партијата.
Џонсон долета од одморот на Карибите за да се обиде да обезбеди поддршка од 100 пратеници за да учествува во денешната трка за замена на Лиз Трус која го наследи во септември, откако беше принуден да даде оставка поради низа скандали.
Тој рече дека ја обезбедил поддршката од 102 пратеници и можел да се врати „на Даунинг стрит“, но дека не успеал да ги убеди ниту Сунак, ниту другиот кандидат Пени Мордоунт, да се обединат околу „националниот интерес“.
„Верувам дека имам многу да понудам, но се плашам дека ова едноставно не е вистинското време“, рече Џонсон.
Поранешниот премиер ја обезбеди јавната поддршка од нешто помалку од 60 конзервативни пратеници, што е помалку од половина од речиси 150-те пратеници кои застанаа зад Сунак.
Изјавата на Џонсон го отвори патот за неговиот голем ривал, 42-годишниот поранешен министер за финансии Сунак, да стане премиер, веројатно уште денеска. Доколку изборот биде потврден, Сунак ќе ја замени Трас, која беше принудена да поднесе оставка откако таа започна економска програма што предизвика превирања на финансиските пазари.
Извор: Еуроактив