Смртните случаи од предозирање со дрога во Англија и Велс се на највисоко ниво во историјата, а во Шкотска е највисока стапката на смртни случаи поврзани со дрога во Европа.
Во Англија и Велс во 2022 година се регистрирани вкупно 3.127 смртни случаи поради злоупотреба на дрога, што во просек е по осум смртни случаи дневно, објави „Скај Њуз“.
Околу 1.050 луѓе во Шкотска починале од злоупотреба на дрога во 2022 година, што е најмал број од 2017 година, но тоа е и натаму највисока стапка во Европа.
Канцеларијата за национална статистика (ONS) соопшти дека тие бројки сигурно се повисоки, бидејќи не секогаш се знае што ја предизвикало смртта.
Британската 10-годишна стратегија за борба против дрога е поддржана со рекордно финансирање од три милијарди фунти.