Ленс Армстронг (45) ќе се појави пред судот во Вашингтон на 6 ноември оваа година во расправа за 100 милиони евра оштета што од него ја бара министерството за правда на САД. Американскиот велосипедист во 2012 година ги загуби седумте титули на Тур де Франс што ги освојуваше од 1999 година до 2005 година.
По долги години негирање допинг, Армстронг, при гостување во ТВ емисија кај Опра Винфри, призна дека користел недозволени средства. Американската анти-допинг агенција го обвини за активно учество во, како што наведе, „најсофистицираната допинг програма што некогаш е видена во спортот“ и му изрече доживотна суспензија.
Министерството за правда на САД сега бара речиси 100 милиони долари отштета и го обвинува за мамење на државата затоа што еден од неговте спонзори во тоа време била и американската пошта. Институцијата платила повеќе од 32 милиона долари на, сега, распуштената екипа на Ленс Армстронг.
Армсттронг сите овие години се обидуваше да избегне судење со уверување дека државата не претрпела никаква штета. Неговите напори, сепак, не дадоа резултат, а таквиот аргумент го одби и судијата Кристофер Купер кој ќе претседава со расправата на почетокот на ноември. Тоа го поткрепи со тврдење дека за повреда по прашање на правото во САД мора да одлучи порота и никој друг.