Третиот тим астронаути на долгорочни мисии, испратени од Space X до Меѓународната вселенска станица, безбедно се врати на Земјата рано утринава.

Вселенската капсула Кру Драгон „Спејс екс“, која носи тројца астронаути на НАСА и член на екипажот на Европската вселенска агенција од Германија, падна со падобран во Мексиканскиот залив во близина на Флорида, и со тоа ги оконча повеќемесечните орбитални истражувања кои вклучуваа различни работи, од чили пиперки одгледувани во вселената до робот, пренесува „Ројтерс“.

Летот од Меѓународната вселенска станица траел повеќе од 23 часа.
 „Спејс екс“, основана во 2002 година од Илон Маск, извршен директор на производителот на електрични автомобили „Тесла“, кој неодамна потпиша договор за купување и на „Твитер“, произведува ракети Фалкон 9 и капсули Кру Драгон што ги користат астронаутите на НАСА.