Бројот на жртвите од студот во Европа се искачи до 55, при што дури 30 се од Украина, кои главно биле бездомници.
Во Киев температурите се спуштија до минус 23 степени, при што се регистрирани најмалку деветмина кои починале од студ – петмина починале во болница, а четворица во своите домови.
т. Според полициски информации се работи главно за бездомници.
Во последното деноноќие, во Романија од студ починаа две лица, со што смртниот биланс од почетокот на стидениот бран во земјата се искачи на осум лица.
Во текот на ноќта во Москва почина едно лице, соопшти руското Министерство за здравство.
Двајца возрасни и дете загинаа вчера во Велика Британија, како резултат од снежните врнежи и студот предвизикани од атлантската бура „Ема“ и антициклонот „Ѕверот од Истокот“.
На територијата на Англија и Велс вчера беше прогласен црвен аларм за опасност поради лошото време. Во Велика Британија беа затворени илјадници училишта. Во Шкотска и натаму се затворени двата најголеми аеродроми – во Единбург и Глазгов. Серија летови се одложени и од другите аеродроми во Британија, вклучително и од Лондон.