Новак Ѓоковиќ и Роџер Федерер без проблеми ги минаа и вторите пречки на Австралија опен. Српскиот тенисер во три сета го елиминира Јапонецот Тацума Ито со 6:1, 6:4, 6:2 за 901 победа на АТП турот. Вториот светски рекет овојпат одигра без осцилации, за разлика од воведниот дуел против Јан Ленард Штруф, и за нешто повеќе од час и пол остана во игра за одбраната на титулата во Мелбурн што во минатото ја освојуваше седум пати.
Експресен настап во второто коло имаше и Роџер Федерер во дуелот со Филип Краиновиќ. Швајцарскиот маестро, исто така, се задржа околу час и половина во комплексот на Мелбурн парк и со конечни 6:1, 6:4, 6:1 се најави на мегдан со Австралиецот Џон Милман во третото коло.
Проблеми немаа ниту фаворитките кои настапија во третиот натпреварувачки ден на Австралија опен. Првиот светски рекет кај дамите, Ешли Барти со 6:1, 6:4 ја порази Словенката Полона Херцог додека бранителката на тронот, Наоми Осака беше подобра од Кинеската Женг со 6:2, 6:4.
Австралија опен 2 коло
МАЖИ
Ѓоковиќ (2., Србија) – Ито (Јапонија) 6:1, 6:4, 6:2
Федерер (3., Швајцарија) – Краиновиќ (Србија) 6:1, 6:4, 6:1
Циципас (6., Грција) – Колшрајбер (Германија) – Колшрајбер се откажа
Сандгрен (САД) – Беретини (8., Италија) 7:6, 6:4, 4:6, 2:6, 7:5
Баутиста Агут (9., Шпанија) – Мох (САД) 5:7, 6:2, 6:4, 6:1
Шварцман (14,. Аргентина) – Давидович Фокина (Шпанија) 6:1, 6:4, 6:2
Пол (САД) – Димитров (18., Бугарија) 6:4, 7:6, 3:6, 6:7, 7:6
Чилиќ (Хрватска) – Пер (21., Франција) 6:2, 6:7, 3:6, 6:1, 7:6
Пелја (22., Аргентина) – Барере (Франција) 6:1, 6:4, 3:6, 6:3
Лајовиќ (24., Србија) – Полманс (Австралија) 6:2, 6:4, 6:3
Нишиока (Јапонија) – Еванс (30, В. Британија) 6:4, 6:3, 6:4
Милман (Австралија) – Хуркач (31., Полска) 6:4, 7:5, 6:3
Раониќ (32., Канада) – Гарин (Чиле) 6:3, 6:4, 6:2
ЖЕНИ
Барти (1., Австралија) – Херцог (Словенија) 6:1, 6:4
Осака (3., Јапонија) – Женг (Кина) 6:2, 6:4
Квитова (7., Чешка) – Бадоса (Шпанија) 7:5, 7:5
С. Вилијамс (8., САД) – Зиданшек (Словенија) 6:2, 6:3
Суарез Навари (Шпанија) – Забаленка (11,, Белорусија) 7:6, 7:6
Ј. Гергес (Германија) – Мартиќ (13., Хрватска) 4:6, 6:3, 7:5
Кенин (14., САД) – Ли (САД) 6:1, 6:3
Мертенс (16., Белгија) – Ковиниќ (Црна Гора) 6:2, 6:0
Риске (18., САД) – Жу (Кина) 6:3, 6:1
Сакари (22., Грција) – Хибино (Јапонија) 7:6, 6:4
Возњацки (Данска) – Јастремска (23., Украина) 7:5, 7:5
Александрова (25., Русија) – Крејчикова (Чешка) 6:1, 6:3
Ванг (27., Кина) – Феро (Франција) 6:1, 6:2
Рибакина (29., Казахстан) – Минен (Белгија) 6:3, 6:4