Јадранското Море препознатливо по изразито сината боја, на некои делови во Далмација стана сиво. Причина за тоа е една необична појава која ги вознемири локалните жители.
Роеви мушички кои деновиве се појавија во огромен број и ги изненадија жителите на местото Трибуње, вчера завршиле во морето. Изумрените инсекти го обоија морето во сива боја. Постарите жители на хрватското крајбрежје не паметат дека вакво нешто досега.
Метереологот Теа Блажевиќ смета дека инвазијата на мушички може да се поврзе со натпросечно топлото време за овој период од годината.
Објаснување за необичната наезда на мушички со кои деновиве мака мачат некои делови од Далмација, стигна и од Агрономскиот факултет во Загреб.
„Изгледа дека тоа се растителни вошки кои се хранат само со билки и се безопасни за луѓето, само што ваков налет досега не е забележан и затоа ова е малку необична појава“ – изјави професорката Рената Бажок.
Изумрени мушички во морето се појавија на неколку места во Далмација, а особено ги има во голем количина во близина на Пељешкиот канал.