Рафаел Надал се пласира во третото коло на Австралија опен, Доминик Тим едвај го „преживеа“ Австралиецот со славно атлетско име, Болт, но белег на четвртиот натпреварувачки ден на гренслемот во Мелбурн остави Ник Кирјос. Темпераментниот домашен адут повторно „удри“ на најдобриот светски рекет во моментот, овојпат со имитација на ритуалот на Надал пред сервис – завлекување на коса зад уши, допирање нос и извлекување на гаќичките.
https://www.youtube.com/watch?v=GoP90Z9vRzE
Во вториот сет против Жил Симон, Кирјос доби опомена од главниот судија дека го пречекорил времето од 25 секунди за сервис. Австралиецот почна да негодува и ја имитираше подоготовката за сервис на Надал. Неговиот одговор на судиската забелешка наиде на смеење од трибините на теренот во Мелбурн парк, а насмевка измами и од судијата на стол.
Исмејувањето на Шпанецот не запре на перформансот на Кирјос. Го повтори и Симон во третиот сет за идентична забелешка од судијата. Кирјос на крајот славеше со 6:2, 6:4, 4:6, 7:5 и во следното коло ќе игра со Русинот Карен Хачанов. Доколку го мине и него, во осминафиналето ќе се сретне токму со Надал.
Надал, пак, немаше проблеми во второто коло. Со 6:3, 7:6, 6:1 славепе над Аргентинецот Федерико Делбонис и до судир со Кирјос го дели меч против Пабло Карењо Буста.
Опстанокот на турнирот сериозно „висеше“ за Доминик Тим. Австралискиот тенисер со славното спринтерско име, Алекс Болт беше тврд орев за петтиот носител на кој му одзема два сета, но Австриецот во четвртиот и во решавачкиот, сепак, не дозволи луксуз за конечни 6:2, 5:7, 6:7, 6:1, 6:2.
„Мирно“ беше и на женскиот дел од турнирот на кој продолжуваат втората носителка Каролина Плишкова од Чешка, четвртата носителка, Симона Халеп од Романија и петтата носителка, Елина Свитолина од Украина.
Австралија опен, 2 коло
МАЖИ
Надал (1., Шпанија) – Делбонис (Аргентина) 6:3, 7:6, 6:1
Медведев (4., Русија) – Мартинез (Шпанија) 7:5, 6:1, 6:3
Тим (5., Австрија) – Болт (Австралија) 6:2, 5:7, 6:7, 6:1, 6:2
А. Зверев (7., Германија) – Герасимов (Белорусија) 7:6, 6:4, 7:5
Монфис (10., Франција) – Карловиќ (Хрватска) 4:6, 7:6, 6:4, 7:5
Гофан (11., Белгија) – Арбе (Франција) 6:1, 6:4, 4:6, 1:6, 6:3
Вавринка (15., Швајцарија) – Сепи (Италија) 4:6, 7:5, 6:3, 3:6, 6:4
Хачанов (16., Русија) – Имер (Шведска) 6:2, 2:6, 6:4, 3:6, 7:6
Рублев (17., Русија) – Сугита (Јапонија) 6:2, 6:3, 7:6
Изнер (19., САД) – Табило (Чиле) 6.4, 6:3, 6:3
Кирјос (23., Австралија) – Симон (Франција) 6:2, 6:4, 4:6, 7:5
Вердаско (Шпанија) – Басилашвили (26., Грузија) 4:6, 7:6, 6:4, 6:4
Карењо Буста (27., Шпанија) – Гојовчик (Германија) 6:4, 6:1, 1:6, 6:4
Фриц (29., САД) – Андерсон (Ј. Африка) 4:6, 6:7, 7:6, 6:2, 6:2
ЖЕНИ
Ка. Плишкова (2., Чешка) – Зигмунд (Германија) 6:3, 6:3
Халеп (4., Романија) – Дарт (В. Британија) 6:2, 6:4
Свитолина (5., Украина) – Дејвис (САД) 6:2, 7:6
Бенчич (6., Швајцарија) – Остапенко (Летонија) 7:5, 7:5
Бертенс (9., Холандија) – А. Родионова (Австралија) 6:3, 7:5
Мертенс (16., Белгија) – Вотсон (В. Британија) 6:3, 6:0
Кербер (17., Германија) – Хон (Австралија) 6:3, 6:2
Векич (19., Хрватска) – Корне (Франција) 6:4, 6:2
Белис (САД) – Мухова (20., Чешка) 6:4, 6:4
Путинцева (Казахстан) – Колинс (26., САД) 6:4, 2:6, 7:5
Контавеит (28., Естонија) – Сорибес Тормо (Шпанија) 6:2, 4:6, 6:1
Пављученкова (30., Русија) – Таунсенд (САД) 7:5, 7:6