Со музика и воени почести, Германија денеска се простува од Ангела Меркел. Новинарите кои известуваат за церемонијалот во дворот на германското министерство за одбрана во Берлин, се занимаваат и со пораките во песните што по избор на Меркел ќе се свират на собирот со околу 200 гости.

По 16 години поминати на должноста германска канцеларка , 67 годишната Ангела Меркел заминува во политичка пензија. Таа технички функцијата ќе ја извршува до наредната недела , кога за нов државен канцелар ќе биде и официјално назначен Олаф Шолц.

Во Берлин во вечерните часови ќе биде организирано „Големо повечерје“ што е најголема воена церемонија во СР Германија, со бакљи , војници во свечени одела , офицери и во кореографија која е направена до најмала танчина.

„Големо повечерје“ е посебно и по тоа што Воениот Оркестар на Бундесферот во текот на таа церемонија , свири и по некои песни кои се бирани од личноста која се простува. Изборот на Меркел веќе некое време кај германските граѓани предизвикува и одредени реакции – воглавно одобрувачки и со по некоја насмевка.

Покрај Екуменската црковма песна „ Тебе Боже те фалиме“канцеларката во заминување посака да ја чуе песната на Хилдегард Кнеф „ Нека за мене паѓа дожд од црвени рози’, како и со песната „ Го заборави филмот во боја“ од рок-панк пејачката Нина Хаген.