Во Грција избувнаа повеќе од 500 пожари, а илјадници луѓе беа евакуирани од десетици населени места.
По сомнежите за подметнати пожари, државниот обвинител во Грција, Василиос Плиотас, нареди истрага за да се утврди дали има организиран план за предизвикување пожар што моментно ја уништува целата земја.
Во Грција избувнаа повеќе од 500 пожари, а илјадници луѓе беа евакуирани од десетици населени места.
Пожарникарите ноќеска се обидуваа да спречат пожарите да се прошират во станбените области во регионот Гортини на Пелопонез, каде беа евакуирани повеќе од 20 села.
Пожарите и натаму беснеат на претежно непристапен терен во близина на областите Фанараки, Кастраки, Пири, Лотус, Лиодора, Хрисокор и Дафне, а голем дел од обработливото земјиште и неколку дополнителни рурални објекти се уништени, а електричната енергија и снабдувањето со вода се во прекин, пренесува „Катимерини“.
Властите евакуираа 21 село како мерка на претпазливост, а пожарникарите денеска очекуваат засилување што ќе им помогне во гаснењето на пожарот.