Жена се обиде да го спречи чешкиот претседател Милош Земан да го оствари своето право на глас за време на претседателските избори во земјата. На видеото што го објавија чешките медиуми, може да се види дека жената ја соблекува горната облека и започнува да довикува погрдни зборови на англиски јазик против Земан.
Таа ги крева рацете во воздухот и вели „Земан е ку*ва на Путин“, но веднаш е совладана од страна на обезбедувањето.
Феминистичка група од Украина соопшти дека идентитетот на жената е Ангелина Диаш, која по потекло е од нивната земја. Земан го напушта гласачкото место, по што повторно се вратил назад и го остварил своето право на глас.
https://www.youtube.com/watch?v=TvSE0hniB0w
Инаку, денеска е втор ден од претседателските избори во Чешка, на кои има девет кандидатите за оваа позиција.
Фаворит е Милош Земан, кој стана првиот директно избран претседател на Чешката Република во 2013 година.
Неговиот најсериозен противник е Јиржи Драхош, поранешен претседател на Чешката академија на науките.
Платформата на 73-годишниот Земан се противи на имиграцијата и организирање на референдум за членство на земјата во Европската унија, иако тој самиот го поддржува членството на Чешка во ЕУ.