Во земјава пристигнаа уште 44 Авганистанци. По сместувањето ќе им се направат ПЦР тестови.
На Меѓународниот Аеродром во Скопје попладнево пристигна втората група граѓани од Авганистан. Од авионот излегоа 44 лица, а меѓу нив има деца, жени, и мажи. На скопскиот аеродром ги пречекаа членови на Црвен крст, а со автобус тие беа однесени во хотел. На нив ќе им се направи ПЦР тест за ковид-19 и ќе им се понуди вакцинација.
Меѓународната организација чиј членови се граѓаните на Авганистан кои попладнево пристигнаа во Скопје, е основана во 2006 година од Принцот Чарлс. Станува збор за организација со хумана мисија која изминатите години во Авганистан реставрираше 150 историски објекти, третираше околу 165.000 пациенти во клиниката во Кабул, поддржа повеќе од 50 мали бизниси во Авганистан, Мјанмар и други активности.
Ова e втора група граѓани од Авганистан што се евакуирани во земјава. Во првата група имаше 149 лица, меѓу кои и жени и деца. Тие пристигнаа на 31 август и во најголем дел станува збор за Авганистанци што работеле за меѓународни организации и нивните семејства.
Граѓаните на Авганистан имаат привремен престој од 90 дена во земјава, односно до обезбедување на трансфер до крајната дестинација.
Влада: Северна Македонија со спасувачка мисија за уште 44 граѓани од Авганистан