ВИДЕО Се запали трансформаторот во електраната „Осломеј“, пред Ковачевски да ја пресече лентата

Изби пожар на трансформаторот во фотонапонската електрана „Осломеј“ непосредно пред да пристигнат владините функционери, јавува репортерот на ТВ21.

Причините за пожарот, засега, не се познати.

Станува збор за трансформатор за дистрибуција на електрична енергија во дел од централата, според неофицијални информации.

Денеска премиерот Ковачевски заедно со министерот за економија Крешник Бектеши и директорот на ЕСМ Васко Ковачевски треба да го одбележат завршувањето на градба на фотонапонската електрана „Осломеј 1-10MW“ со тест период на целосно монтирана опрема.