https://www.facebook.com/ivan.unkovski/videos/10155928807415450/
Надојдените води на Вардар донесоа стотици пластични шишиња по должина на целиот тек на реката. Особено загрижувачки изгледа коритото на Вардар во центарот на градот, исполнето со пластични и друг вид смет и отпадоци. Ваквата слика уште еднаш ја покажа ниската еколошка свест кај граѓаните.
-Ова е тажна слика направена од нас самите. Ќе побараме од надлежните кој е сторител на ова дело за да се санкционира, вели за НОВА заменик министерот за заштита на животната средина Јани Макрадули.
За да се избегнат вакви еколошки катастрофи, тој најави нов пристап во третирањето на отпадот, со нагласок на селектирање и рециклирање.
-Како пример, Владата донесе одлука за селектирање на хартијата и пластика во сите институции, и даваме поддршка на компании кои рециклираат отпад, вели Макрадули.
ФОТО Галерија: Дел од Кејот под вода, во Вардар „пливаат“ шишиња