Не е доцна да се запре руската агресија, под услов европските лидери да дејствуваат брзо. Ги повикувам граѓаните ширум ЕУ да излезат на протести и да ги принудат нивните влади да дејствуваат порешително, повика Зеленски 

Украинскиот претседател, Володимир Зеленски, штотуку му се обрати со видео порака од кабинетот во Киев на рускиот претседател, Владимир Путин, да започнат преговори, а воедно ги обвини европските лидери дека не преземале сѐ што е неопходно, за да го забават напредокот на Русија.

„Сакам на рускиот претседател да му пренесам порака – борбите се водат низ целата земја, ќе започнеме преговори и ќе спречиме луѓе да загинат“, порача  Зеленски.

Тој воедно ги обвини европските лидери дека не преземале сѐ што е неопходно, за да го забават напредокот на Русија.

„Како во Втората светска војна – рековте „никогаш повеќе“, но еве повторно не правите доволно за да одговорите“, изјави тој.

– Не е доцна да се запре руската агресија, под услов европските лидери да дејствуваат брзо. Ги повикувам граѓаните ширум ЕУ да излезат на протести и да ги принудат нивните влади да дејствуваат порешително, повика Зеленски 

„Го гледате ова – сите вие, цела Европа, сигурен сум. Но, што точно имате намера да направите во врска со тоа – не гледаме, како ќе се браните кога толку бавно ѝ помагате на Украина“, запраша Зеленски.

Тој им порача на украинските војници: „Држете позиции, вие сте сѐ што имаме. „Ако сте поминале воена обука во Европа и не сакате да ја гледате нерешителноста на вашите политичари, можете да се преселите во нашата земја и да ја браните Европа со нас, таму каде што е најпотребно“, рече Зеленски.