Нападот на деветти трофеј на Вимблдон, Роџер Федерер го почна со победа над Душан Лајовиќ од Србија (6:1, 6:3, 6:4), но и во нова униформа. По, речиси, две децении, Швајцарецот се појави на тениски турнир во дрес што не е потпишан од „Најк“. На централниот терен на „All England Club“ излезе во маичка и гаќички од палетата на јапонскиот производител „УНИКЛО“ со кој потпиша договор „тежок“ 30 милиони долари по сезона. Јапонците и официјално го истакнаа партнерството со, како што го нарекоа, најголемиот тенисер на сите времиња и еден од највлијателните и најпризнати луѓе на денешницата.
„Оваа соработка значи дека Федерер ќе го претставува УНИКЛО на сите турнири во тек на годината почнувајќи од Вимблдон“, стои во соопштението на компанијата со седиште во Токио.
Финансиски детали од договорот не се обелоденети. Медиумите, сепак, наведуваат за партнерство вредно 30 милиони долари по сезона што е трипати повеќе од вредноста на соработката што досега со „Најк“.
Договорот на Федерер и познатиот американски бренд на спортска опрема беше со важност до март во 2018 година. Меѓутоа до стартот на третиот гренслем во сезоната не беше познато со кого ќе продолжи Швајцарецот во иднина. Она, пак, што падна во очи е дека соработката со „УНИКЛО“ засега се однесува само на гардеробата, но не и за патиките што Јапонците ги немаат во својата понуда.
„За патики немам договор. Засега останувам со Најк. Тие изразија подготвеност да продолжиме да соработуваме. Имам длабоки корени со нив. Се е отворено“, истакна Федерер на прес-конференцијата по триумфот над Лајовиќ.
Воочливо беше дека на гардеробата отсуствува и легендарното лого „РФ“ за што швајцарскиот ветеран изјави:
„Логото РФ во моментот е на Најк. Но, наскоро, се надевам, дека повторно ќе биде мое. Верувам дека и Најк ќе помогне за забрзување на тој процес. Тоа се мои иницијали и не може вечно да бидат нивни“.
Нареден ривал на Федерер на Вимблдон ќе биде Словакот Лукаш Лацко.
Резултати од 1. коло на Вимблдон 2018
Мажи
Федерер (1., Швајцарија) – Лајовиќ (Србија) 6:1, 6:3, 6:4
Чилиќ (3., Хрватска) – Нишиока (Јапонија) 6:1, 6:4, 6:4
Вавринка (Швајцарија) – Димитров (6., Бугарија) 1:6, 7:6, 7:6, 6:4
Андерсон (8., Ј. Африка) – Гомбош (Словачка) 6:3, 6:4, 6:4
Изнер (9., САД) – Маден (Германија) 6:2, 7:6, 7:5
Квери (11., САД) – Томпсон (Австралија) 6:2, 6:4, 6:3
Раониќ (13., Канада) – Броуди (В. Британија) 7:5, 6:0, 6:1
Медведев (Русија) – Чориќ (16., Хрватска) 7:6, 6:2, 6:2
Пуј (17., Франција) – Кудла (САД) 6:3, 6:3, 2:6, 6:3
Манарино (22., Франција) – Гарин (Чиле) 6:3, 1:6, 7:6, 6:2
Монфис (Франција) – Гаске (23., Франција) 7:6, 7:5, 6:4
Колшрајбер (25., Германија) – Донској (Русија) 6:2, 6:4, 7:5
Јари (Чиле) – Краиновиќ (28., Србија) 6:3, 3:6, 7:6, 6:4
Циципас (31., Грција) – Барере (Франција) 6:3, 6:4, 6:7, 7:5
Шруф (Германија) – Л. Маер (32., Аргентина) 3:6, 6:7, 7:6, 7:6, 6:1
Жени
Возњацки (2., Данска) – Лепченко (САД) 6:0, 6:3
Векиќ (Хрватска) – Стивенс (4., САД) 6:1, 6:3
Марија (Германија) – Свитолина (5., Украина) 7:6, 4:6, 6:1
Ка. Плишкова (7., Чешка) – Дарт (В. Британија) 7:6, 2:6, 6:1
В. Вилијамс (9., САД) – Ларсон (Шведска) 6:7, 6:2, 6:1
Киз (10., САД) – Томљановиќ (Австралија) 6:4, 6:2
Гергес (13., Германија) – Пуиг (Порторико) 6:4, 7:6
Синијакова (Чешка) – Вандевеј (16., САД) 6:7, 6:3, 8:6
Кирстеа (Романија) – Рибарикова (19., Словачка) 7:5, 6:3
Бертенс (20., Холандија) – Стефкова (Чешка) 6:3, 6:2
Џорџи (Италија) – Севастова (21., Летонија) 6:1, 2:6, 6:4
Стрицова (23., Чешка) – Кузнецова (Русија) 7:6, 7:5
С. Вилијамс (25., САД) – Рус (Холандија) 7:5, 6:3
Бузарнеску (29., Романија) – Забаленка (Белорусија) 6:7, 6:1, 6:4
Петковиќ (Германија) – Жанг (31., Кина) 6:4, 4:6, 6:2
А. Радванска (32., Полска) – Русе (Романија) 6:3, 4:6, 7:5