На билатералната средба меѓу премиерите Зоран Заев и Алексис Ципрас на Економскиот форум во Давос, за првпат после две децении се откочија процесите кои водат кон достоинствено решение на отворените прашања на Република Грција и Република Македонија како две соседни европски земји, а за демонстрираната добра волја од двете страни јавноста беше целосно информирана, се вели во одговорот на Владата на соопштението од ВМРО ДПМНЕ, со кое тие обвинија дека во земјата владее „целосен мрак“ за она што Заев и Ципрас го договориле во Давос.
-Изнаоѓањето взаемно прифатливо решение е можно и за таа цел во тек е преговарачки процес. Потребна е добра волја и компромис од двете страни да се дојде до решение кое ќе ги почитува достоинството и идентитет на граѓаните на двете држави, се вели во соопштението од Владата, при што се истакнува дека за секој следен значителен исчекор во текот на преговорите јавноста ќе биде повторно целосно информирана.