Published: Wednesday, May 4, 2022 12:53
Владата ја разгледа и усвои информацијата Охридско езеро да се прогласи за заштитено подрачје, информираше на денешната прес конференција портпаролот на Владата, Душко Арсовски.
„Владата донесе Одлука за прифатливост на предлогот и го задолжи Министерството за животна средина и просторно планирање да спроведе јавна расправа по предлогот до 30 јуни 2022 година, врз основа на што ќе се изготви конечен предлог за прогласување на Охридско Езеро за заштитено подрачје во категорија III-споменик на природата, информираат од владината прес служба“, изјави Арсовски.
Како што вели тој, иницијатива доаѓа согласно препораките на УНЕСКО за заштита на Охридското Езеро за да се овозможи заштита, зачувување и одржливо користење на природните вредности.