Владата во заминување предводена од техничкиот премиер, Емил Димитриев, склучи договор со германска ПР агенција за да го подобри имиџот во Европа. Договорот во вредност од 90.000 евра е склучен со агенцијата FleishmanHillard Germany GmbH, која единствена поднела понуда на огласот.
Зачудувачки е што времетраењето на соработката е три месеци, а се бројат часови и денови кога мандатарот Зоран Заев треба да го објави составот на новата влада и да го преземе премиерското место.
Конкретно, германските ПР експерти треба да работат на „менаџирање на угледот и имиџот на Република Македонија пред општествената, политичката, економската и медиумската јавност во Европа“, пишува во објавата на сајтот на Електронскиот систем за јавни набавки.