Published: Monday, June 21, 2021 11:27
Владата ги објави резултатите за одобрени средства преку јавниот повик за финансиска поддршка за ндустријата за организација на настани што се поврзани со одбележување на 30 годишнината од независноста на Македонија.
Станува збор за сума од 61.499.421 милион денари или околу милион евра кои се распределени на
33 правни лица, односно на продукции и друштва за сценско-културни дејства, за проекти кои содржат музички концерти, театарски претстави, предавања, туристички прошетки, едукативни работилници, поетски читања, итн. Еден од условите во јавниот повик беше овие правни лица да се обврзат дека задолжително ќе ангажираат домашни изведувачи.
Меѓу правните лица на кои им се одобрени средства се: Баги комуникации, Иноватива груп, Старлајт продукција, Стармен, Певац лис, Црна мачка продукција, Мојсо продукција, Фан продукција, Магна матер, Генерал студио, Студио Фока и други. Концерти ќе одржат Влатко Лозановски-Лозано, Туна, Каролина Гочева, Влатко Стефановски, Тамара Тодевска, Ареа и други.