Владата денеска преку соопштение потврди дека поранешниот пратеник во Собранието на Република Македонија, Џезаир Шаќири е времено ангажиран како „надворешен соработник од областа на внатрешната безбедност и борба против радикализмот, за потребите на Канцеларијата на Претседателот на Владата на Република Македонија’.
-Џезаир Шаќири има времен договор со времетраење од една година, со висина на примања од 36.000 денари месечно, се вели во соопштението од Владата.
Шаќири, алијас командат Хоџа, прекар што го има од времето на конфликтот во 2001 година, самиот објави дека добил функција од Владата за да преживее, пренесе „Телма“.
Како што објави Независен весник, тој на на Фејсбук напиша, дека со Зоран Заев имал договор, да го ослободи Танушевци, а за возврат да добие функција, близу до премиерот, како гаранција за неговата безбедност.