Портпаролот на Владата Миле Бошњаковски на прес конферебнцијата денеска соопшти дека Владата одлучила да предложи измени на Изборниот законик како резултат на блокади од опозицијата на изборот на ДИК и со тоа и на одржувањето референдум на кој граѓаните треба да одлучат за иднината на земјата за членството во ЕУ и НАТО.
Владата како што рече Бошњаковски оваа одлука ја темели меѓу другото и на ставот на Венцијанската комисија во повеќето извештаи која предупредува дека ваквите блокади ги оневозможуваат инситуциите да ја остваруваат нивната уставна цел и ја поткопува демократијата.
-Начинот на кој се соочуваме со блокада на изборот на оваа ДИК е појава која е евидентирана во повеќе извештаи на Венецијанската комисија, каде јасно и недвосмиелсно се наведува дека потребата од избор или именување на членови на некое тело и носители на функции со квалификувано мнозинсвто не смее да се претвори во контарпродуктивен инструмент за блокирање на процесите за формирање на клучни институции на системот. Затоа што институциите кои не можат да функционираат не ја остваруваат нивната уставна цел и ја поткопувата демократијата. Клучно е да постојат механизми за откочување и надминување на вакви блокади со цел нормално одвивање на политичките процеси во еден политички систем, рече Бошњаковски.
Тој рече дека измените се однесуваат на неколку ставови во Членот 27 од Изборниот законик и тоа:
-Став 3 – целосно се брише
-Во Став 4 се брише „на прелог на листа“
-Во Став 5 се брише зборот „двотретинско“.
Бошњаковски истакна дека Владата нема да дозволи опозицијата да ги направи граѓаните на Македонија „заложници на партиски интереси“.
-Отсуството на одговорност кај опозицијата нема да дозволиме да биде пречка за изразување на волјата на мнозинството граѓани во земјава, која ќе биде изразена на слободен и демократски организиран референдум. Време е опозицијата да докаже дали навистина е за членство на РМ во ЕУ и во НАТО, рече владиниот портпарол.
Сепак, Бошњаковски потенцира дека уште една можност за консензус постои на утрешната лидерска средба, чие време на одржување и состав се уште не се утврдени, каде како што рече се очекува „опозицијата да покаже волја, конструктивност и да се надмине себе си во нејзиното политичко однесување и ќе заземе поинаков став против блокади, а со поддршка на стратегиските цели“.
Во спротивно, како што нагласи, измените на Изборниот законик кои се поднесени до Собранието, влегувата во процедура по скратена постапка.
На прашањето, дали пред Владата да одлучи да предложи вакви измени, разговарала со лидерот на опозцијата Мицкоски, Бошњаковски рече дека секојдневно упатувале апели преку медиумите, опозицијата одговорно да го заземе своето место, но, како што забележа, очигледно тие апели не вродија со плод.