Министерството за внатрешни работи (МВР) и Јавното обвинителство (ЈО) да покренат постапки за одговорноста за рушењето на фасадите и други делови на објекти како последица на невремето на 26 февруари што беше проследено со силен ветар, а врз основа на увидот на стручните служби за направените оштетувањата на зградите на МЕПСО, на Владата на Северна Македонија и на други. Апелот до двете државните институции доаѓа како заклучок од денешната седница на Владата на која, меѓудругото, се разгледуваа информациите за сторените штети.
Пред неколку дена, силниот ветер кој дуваше во главниот град откорна дел од фасадата на МЕПСО. Утрото, градоначалникот на Скопје, Петре Шилегов, на социјалните мрежи сподели фотографии со коментар дека проектот „Скопје 2014“ е небезбеден за животот на граѓаните. Нивните коментари, пак, беа во насока дека е „доста со ветувања“ и бараат понесување на одговорност за начинот на изградба на објектите од проектот „Скопје 2014“.