ОД ВМРО-ДПМНЕ денеска ги објавија првите кандидати за градоначалници на претстојните локални избори. Како што информираше генералниот секретар на партијата, Христијан Мицкоски станува збор за следниве лица: Оралниот хирург Марјан Бајрактаров како кандидат за градоначалник на Струмица, за Петровец е Борче Митревски, додека актуелниот прв човек на Велес, Славчо Чадиев, ќе се бори за нов мандат. Тони Затковски ќе биде кандидиран за градоначалник на Кривогаштани, а актуелниот пратеник во Собранието, Зоран Ѓорѓиевски за Куманово.
Мицкоски вели дека изборот на кандидати на ВМРО-ДПМНЕ за локалните избори се темели на професионалните и лични карактеристики на кандидатите, нивната одговорност и посветеност кон работата, поддршката која што ја имаат меѓу граѓаните во општините во коишто живеат, како и угледот и кредибилитетот кој ќе гарантира спроведување на една одлично подготвена и сериозна програма наменета за таа општина.
-Програма на која што работат врвни експерти од земјава и од странство, програма која се базира на реалните потреби на граѓаните и има за цел подобрување на нивното секојдневие, инфраструткура и стандардите на живот. На овие локални избори граѓаните ќе одлучуваат не само за локални теми туку тие се веројатно последна шанса за да биде запрена оваа екскурзија наречена СДСМ и да ги казнат овие катастрофални месеци на Македонија за економско уназадување, национални порази и понижувања, погубни политики по однос на клучните и стратешките прашања за државата, посочи генералниот секретар на ВМРО-ДПМНЕ на денешната прес-конференција.
https://www.youtube.com/watch?v=lYGfi9grbzc