Според ВМРО-ДПМНЕ, СДС (како што партијата на Груевски го нарекува СДСМ), во страв од соочување со граѓаните, се обидувале да го пролонгира рокот за одржување на локалните избори поради партиски а не државен интерес.
– СДС и парламентарното мнозинство мораат да овозможат непрекинато фунционирање на единиците на локалната самоуправа и во најбрз можен рок да изгласаат продолжување на мандатите на градоначалниците и советите на општините и градот Скопје, но и да се определи најбрз можен датум за одржување на локалните избори, се вели во реакцијата на ВМРО-ДПМНЕ.
Оттаму велат, одржувањето на локалните избори нема никаква врска со формирањето влада.
– СДС не треба и не смее да бара изговори за одржување на локалните избори, кои се редовни и неопходни. Пролонгирањето на локалните избори не е притисок врз Претседателот Иванов, туку само обид да се купи време за локалните избори да не се одржат на почетокот на јули, од страв дека истите катастрофално ќе ги изгубат како последица на антидржавното делување на Заев и целиот врв на СДС, стои во реакцијата.
ВМРО-ДПМНЕ смета деја пролонгирањето на локалните избори е и со цел да се создаде временски вакуум за пазарење и можнии уцени врз ДУИ околу коалицисиот договор за влада, бидејќи ДУИ имале 14 градоначалници, а СДСМ само 3.
– СДС треба да знае додека тие калкулираат и делуваат согласно партиските, а не државните интереси, целото општество е во грч, а економијата може да почне да трпи загуби. СДС треба да собере храброст и час поскоро да обезбеди датум за одржување на локалните избори, СДС треба да собере храброст за во рамки на локалните да се одржат и предвремените парламентарни избори, кои би биле по волја на граѓаните, реагира партијата која ја води Никола Груевски.