Предлог одлука за разрешување на актуелниот министер за здравство, Венко Филипче поради трагедијата во модуларната болница во Тетово денеска до претседателот на Собранието, Талат Џафери достави опозициската ВМРО-ДПМНЕ.
– Оваа предлог одлука ја поднесуваме поради непрофесионално, неадекватно и ненавремено справување со пандемијата од Ковид 19, ненавремено набавување вакцини, недостиг на кадар, нехумани услови. Ова разрешување наместо да биде оставка од морални причини поради трагичниот настак кој се случи во модуларната болница во Тетово, ќе биде разрешување по барање на народот, севели во предлог-одлуката на ВМРО-ДПМНЕ.
Имено пратеникот Антонијо Милошоски на вчерашната пресконференција изјави дека пратеничката група на ВМРО-ДПМНЕ и коалицијата ќе достави предлог одлука за разрешување на министерот за здравство Венко Филипче заради лошиот менаџмент на здравствената криза која што кулуминираше со трагичниот случај на новоизградената болница во Тетово која што се запали и за жал однесе 15 човечки животи.
– Оваа предлог одлука ја засноваме на членот 68 од Уставот на Република Македонија, а слична таква предлог одлука доставиле оние кои што денеска ја критикуваат односно пратеничките групи на СДСМ и НСДП во 2013 година, 25 октомври врз основа на овој член доставиле предлог одлука за разрешување токму на оваа уставна норма, рече Милошоски.