ВМРО – ДПМНЕ бара лидерска средба која очекуваат дека ќе заврши со договор за нови предвремени парламeнтарни избори. Пратеникот Крсто Муковски од собраниската говорница упати повик до лидерите да седнат на маса.
„Освен седнување на заедничка маса и отварање на сите нерешен прашања кои задираат во уставниот поредок на земјава, не може да пројдат освен со заеднички дијалог и наоѓање на компромис“ изјави Мукоски од ВМРО-ДПМНЕ.
Идејата на ВМРО-ДПМНЕ не е прифатлива за социјалдемократите. Оттаму велат дека единствено што може да се случи во наредниот период со Никола Груевски е да ја предаде влста. Од СДСМ бараат трпение, бидејќи велат чекорите што се преземаат се внимателни, зошто од другата страна има нерационални луѓе кои за своите интереси се подготвени да ги жртвуваат граѓаните и државните интереси.
„За што би разговарале ние на таква средба и со кого? Ние имавме такви средби и на тие беше постигнат договорот од Пржино, крајната цел беа одржување на парламентарните избори“ рече Петре Шилегов СДСМ.
Од ДУИ ја поздравуваат иницијативата за лидерска средба- велат тоа од почетокот била идеја на Ахмети. Сепак од партијата на Ахемти повторуваат дека според нив излез не се нови предвремени избори.
Од Беса и од Алијансата на Албанците пак контра ставот на Ахмети, велат нема потреба од средба. Од БЕСА порака дека тие се посветени на формирање на стабилна политичка влада, и се додека н се исцрпат сите можности за тоа велат, други опции не се поттребни. Од Алијансата за Албанците пак им порачуваат на колегите од ВМРО-ДПМНЕ дека се несериозни и дека треба под итно да се реформираат.