ВМРО ДПМНЕ во реакција на ослоодителната пресдуа за премиерот Зоран Заев за „Поткуп“ обвини дека судството работи под политички притисок на власта.
-Со денешната пресуда на дело се потврди неказнивоста на власта. Пораката што денеска се испрати гласи: Законите не важат за СДСМ, нивните функционери слободно може да бараат поткуп и да тонат во корупција. Пораката што денес се испрати е дека судот е политичка алатка за пресметка на СДСМ со неистомислениците, изјави портпаролот на партијата Наум Стоилковски.
-Беше сосема јасно дека судот нема да собере храброст да му изрече казна на главниот „реформатор“ во правосудството. Беше сосема јасно дека судот ќе подлегне на заканите од Зоран Заев дека би можел да си ги реализира најавите за генерален реизбор на судии, во кои тој како реформатор би носел одлука кој нема да биде реизбран. Бројни се заканите, но и наградите со кои власта ги мотивира или заплашува судиите да работат по нејзин терк, рече Стоилковски.
Според опозициската партија, денешната одлука на судот е „потценување на севкупната македонска јавност“ поради снимката и сведочењето на бизнисменот и ги покажа двојните аршини по кои работат македонските судови.