ВМРО-ДПМНЕ, условувајќи ги Зоран Заев како “криминалецот“ и партијата како “СДС“, во соопштение до медиумите, тврди дека тие упорно ја туркале т.н Тиранска платформа која била во спротивност на граѓаните.

– Криминалецот Заев и злосторничкото здружение околу него за да дојдат на власт и да се спасат себе си од многубројните кривични прогони за криминалите кои ги извршиле се спремни во целост да ја реализираат платформата од Тирана. Криминалецот Заев за својата лична амнестија за криминалите кои ги сторил е решен Македонија да ја направи двојазична, да ги прогласи за геноцидни сопствениот народ и држава, да го промени името на државата по грчки терк и во крајна фаза да ја федерализира Македонија, тврди ВМРО-ДПМНЕ.

– Криминалецот Заев сето ова го прави мошне отворено и без срам ги лаже сопствените граѓани и гласачи. Мухамед Зекири од СДС лично потврди дека СДС прифатил се од Тиранската Платформа. Заев го демантира и Зијадин Села кој јавно кажа дека без реализирање на Тиранската Платформа не влегува во Влада, се вели понатаму во партиското соопштение.

Оттаму велат, протестите на „За заедничка Македонија“ се одвивале бидејќи граѓаните биле измамени и затоа биле револтирани.