Денешната одлука на судот е темпирана и планирана прeсуда која има за цел да создава страв кај политичките непријатели на Зоран Заев и целосно ја руши демократијата во државата. Дополнително, додека политичките непријатели се казнуваат со неосновани пресуди, како што е случајот денес, власта на Заев ја дефокусира јавноста од сопствените криминали и корупција во која до гуша се заглавени функционерите на СДСМ и ДУИ. Вака денеска портпаролот на ВМРО-ДПМНЕ Димче Арсовски ја искоментира пресдата за случајот „Организатои на 27 април“ откако скопскиот Кривичен суд досуди вкупно 25 години затвот на поранешнипт собраниски спикер Трајко Вељаноски, екс-министрите Миле Јанакиески и Спиро Ристовски, како и поранешниот директор на УБК, Владимир Атанасовски.
– Ваквата пресуда не е ништо друго туку продолжување на праксата на власта да се изживува со судбини, во случајот со лица кои во постапката покажаа дека се невини, а судот пресудителната одлука ја темели само на исказ на човек со дебело криминално досие кој што според вештачењето се докажа дека воопшто и не бил присутен на местото за кое што сведочи, рече портпаролот на ВМРО-ДПМНЕ, Димче Арсовски.
Според ВМРО – ДПМНЕ, пресудата се темели врз основа на исказот на Александар Василевски – Нинџа, а партијата го оценува како човек со дебело криминално досие. Според партијата, судот верува во човек со криминална историја.
– Во случајот „Рекет“ за исказите на Бојан Јовановски кои што ја компромитираат обвинителката Русковска, Љубомир Јовевски кажа дека судот не ги зема во предвид исказите на лица чиј наводно кредибилитет бил сомнителен. Ваквиот нарачан исказ врз основа на кој се темели пресудата само покажува дека еден ист центар на моќ ги диктира не само сведоштвата, туку и обвиненијата и пресудите. Оваа одлука на судот покажува дека во Македонија правосудство и суд не постојат, туку тоа е само обичен нотаријат во кој се верификуваат обвиненија базирани на нарачки, вели Арсовски.
СМС-пораката „нека бидат сите на готовс“ им пресуди на организаторите на 27 април