Германија ги прошири можностите за вакцинирање на населението. Покрај во здравствените установи, тоа сега се прави во трговските центри во двата дена од викендот
Германија надмина педесет проценти на целосно имунизирано население како и 47 проценти вакцинирани со една доза. Но, и покрај овие параметри кои ја позиционираат земјата многу повисоко од светскиот па и од европскиот врв, властите овозможуваат низа поволности за населението, за што поголема бројка од него да пристапи кон вакцинирање во пресрет на четвртиот бран на корона вирусот.
Од овој викенд, германските трговски ланци отстапија дел од својот простор за организирање вакцинални пунктови, така овозможувајќи им на граѓаните шопингот да го искомбинираат со вакцинирање а и да не мора да патуваат и по неколку десетици километри до некоја здравствена установа.
Ова видео, кое ни го прати наша сограѓанка која со семејството живеат и работат во Хамбург, е од еден од трговските центри во овој град каде граѓаните чекале и по 3-4 часа да дојдат на ред за вакцинирање, на растојание согласно ковид-протоколите и без непотребни метежи, туркања или употреба на недолична терминологија.
Прво се поминувала лекарската проверка со плус пополнет анкетен лист за можни алергиски реакции, и потоа се давало зелено светло за вакцинирање. Граѓаните на Хамбург можело да бираат меѓу „ Џонсон & Џонсон “ вакцината и онаа на Фајзер.
Германските власти, овие забрзувања во процесот на имунизација ги прават не само поради порастот на новозаразени на дневно ниво со доминантниот делта сој од корона вирусот туку и поради тоа што од октомври се предлага да нема повеќе ПЦР тестови на кои државата трошела многу пари.