Автохтоното племе објави откритие на нови 750 неименувани гробови на местото на некогашниот интернат , што повторно ја шокираше Канада.
,, Истражувањата ги почнавме со георадар на 2 јуни и до вчера пронајдовме 751 необележан гроб“изјави водачот Кадмус Деломре.
Станува збор за ново откритие во општината Мариевал на западот на земјата, второ за помалку од еден месец.
,, Тоа не е масовна гробница, тоа се неидентификувани гробови. Некои можеби и можеле да бидат идентификувани , но претставниците на Католичката црква ги отстраниле надгробните плочи, изјавил Деломре.
Ова во Канада е криминален чин. Со соопштение се огласи и премиерот Џастин Трудо, изјавувајќи дека Канада мора да извлече поука од своето минато и да тргне на патот на помирувањето.
Врз децата се спроведувале најразлични облици на тортура и силување. Ископувањата почнаа околу некогашното училиште во Мариевал, кон крајот на мај по откривањето на остатоци од 215 ученици закопани на место на некогашниот интернат за деца на автохтоното население Камлоопс во Британска Колумбија, најзападната покраина на Канада.
Претседателот на Федерацијата на суверените автохтони нации Боби Камерон, го осуди злосторството против човештвото и агресијата против автохтоните народи.
,, Единствено злосторство што тие го направиле е што се родиле како автохтони жители“ рекол Камерон повикувајќи ја црквата да соработува во истрагата.
Околу 150 илјади деца на американските индијанци,местиси и ескими биле присилно издвојувани од своите семејства и биле затворани во 139 интернати низ целата земја при што им ги прекинувале врските со родителите., со мајчиниот јазик и култура.
Таква пракса се спроведувала до доцните 90 години . Многу деца биле изложени на злоупотреби, силувања и неухранетост, во она што Комисијата за вистина и помирување во 2015 го нарече културен геноцид.