Published: Saturday, January 25, 2020 13:22
Амбасадата на Црна Гора во Република Северна Македонија во соработка со Општина Херцег Нови и Туристичката организација на Херцег Нови денеска во Скопје организираат манифестација „51-ви Карван на празникот на мимозите“.
Како што соопшти црногорската Амбасада во земјава, на свеченото дефиле ќе учествуваат мажоретки, кловнови и Градска музика, кои ќе се движат од Музеј на град Скопје по улица „Македонија“ до плоштадот „Македонија“.
Долж маршрутата ќе бидат поставени пултови на кои ќе се делат промотивни материјали за општина Херцег Нови, како и традиционалните мимози.
На караванот ќе присуствуваат градоначалникот на град Херцег Нови, Стеван Катниќ и амбасадорот на Црна Гора во Република Северна Македонија, Марија Петровиќ.