Штипјани попладнево за првпат гледаа фудбал под рефлектори на свој градски стадион. Историскиот натпревар беше полуфинален во Купот на Македонија меѓу домашната Брегалница и Пелистер. Победник немаше, но битолчани ќе влезат во реваншот со предност поради двата гола што ги постигнаа во градот под Исар (2:2).
Баже Илијоски во 36 минута од пенал и Раденко Бојовиќ во 67 минута ги постигнаа погодоците за Пелистер, Горан Здравков во осмата минута и Томи Костадинов во 70. беа стрелци за последнопласираната екипа во домашниот шампионат.
Претходно денеска на „Телеком арена“ во Скопје, Шкендија триумфира против Вардар со 3:1, за реванш со идентична мерка за оние 3:1 во неделата во рамки на 20 коло во прволигашката конкуренција. Бесарт Ибраими го совлада Алексовски во 26 минута и во 45 минута, а Ферхан Хасани стави печат на голем триумф на тетовци со кој широко ги отворија портите за финале. Бразилецот Хуан Фелипе, во меѓувреме, го постигна гол за вардарци во 51 минута.
Куп на Македонија
Полуфинале, први средби
Вардар – Шкендија 1:3
Брегалница – Пелистер 2:2
Реванш ќе се одиграат на 19 април