Во Црна Гора денеска се одржуваат парламентарни избори на кои се избираат 81 пратеник, од 17 изборни листи. Изборите ги надгледуваат 2607 набљудувачи, од кои 500 странски. Избирачките места ќе бидат затворени во 20 часот, а првите неофицијални резултати ќе бидат соопштени околу 21 часот.
Ден пред изборите лидерот на Демокртаската партија на социјалистите кои имаат најголеми шанси за победа, Мило Ѓукановиќ ја обвини Русија дека ја финансира опозицијата со што сака да кочи влегувањето на земјата во ЕУ и НАТО.
Опозицијата, како што наведува Ројтерс го обвинува Ѓукановиќ дека се служи со заплашување, дека се служи со непотизам и дека со однесува со Црна Гора како да е негова сопственост.
Ова се најзначајните избори на Црна Гора по изгласувањето на нејзината независност пред 10 години. Агенцијата АП, оценува дека исходот може да го загрози процесот на проширување во ЕУ и НАТО и дека Москва е одлучна да го поврати влијанието во регионот кое е од стратешко значење за неа.