Шведската лекарка и писателка Кристина Доктаре, која ја доби Нобеловата награда за мир во 1998 година како членка на мировните сили на ОН, синоќа изјави дека ќе ја врати наградата во знак на протест по синоќешното доделување на Нобеловата награда за литература на австрискиот писател, Петер Хандке.
Швеѓанката како лекарка на ОН во 1992 година прва проговори за системските силувања за време на војната во Босна и Херцеговина и укажала што се случува.
Синоќа таа се обрати пред стотици лица собрани во Стокхолм во знак на протест против одлуката на Шведската академија да го врачи признанието на Австриецот, кој за време на војните во поранешна Југославија го поддржуваше режимот на Слободан Милошевиќ и кој отворено негира дека во Сребреница се случил геноцид.
„Сега својата јас ќе ја вратам“, изјави таа пред насобраните, покажувајќи го медалот в рака за што доби гласен аплауз од присутните гости кои го извикуваа нејзиното име.
Таа се присети на војните на Балканот, од каде известувала и укажувала на злосторствата кои се случуваат.
„Додека сум жива ќе сведочат за вистината за ужасната војна никогаш да не биде негирана“, потенцираше нобеловката, Доктаре.