Американскиот конгресмен Мајкл Волц, кој новоизбраниот американски претседател Доналд Трамп го назначи за иден советник за национална безбедност, изјави дека Трамп ќе соработува со администрацијата на Џо Бајден за да се најде решение за конфликтот во Украина.
Во интервјуто дадено за Фокс њуз, Валц нагласи дека Трамп е посветен на завршување на конфликтот преку договор или прекин на огнот и ја нагласи важноста на преговорите со цел да се вклучат двете страни во разговорите.
Трамп беше јасен за потребата да се стави крај на овој конфликт, било да е тоа договор или примирје. Треба да се разговара како двете страни да седнат на заедничка маса и да се утврдат араметрите на договорот. Токму на ова ќе работиме со актуелната администрација пред јануари и потоа – изјави Валц.
Мајкл Воц советник за национална безбедност EPA-EFE/CAROLINE BREHMAN
Конгресменот потврди и дека веќе се сретнал со американскиот советник за национална безбедност Џејк Саливан за да обезбеди континуитет на националната безбедност за време на периодот на транзиција. Волц истакна дека американските противници нема да можат да ја искористат оваа политичка транзиција за да го дестабилизираат регионот.
Планот доаѓа во време кога меѓународната заедница го засилува притисокот врз завојуваните страни да започнат мировни преговори. Валц го истакна преговарачкото искуство на Трамп како важна предност во потенцијалните дипломатски иницијативи.