Вчерашното обраќање на претседателот, Александар Вучиќ, и прогласувањето на вонредна состојба помалку ги збуни срспките граѓани, со оглед дека поминаа само две недели од тврдењето дека станува збор за смешен вирус.
Од денес, училиштата, градинките и факултетите нема да работат. Но она што се разбира како своевидна контрадикторност или несовпаѓање со прогласената вонредна состојба е незатворањето на угостителските објекти за кои е предвидена ограничена работа до 20 часот. Дополнително во овој дел се донесе и одлука со која забраната за јавно собирање во затворени простории станува поригорозна и од 100 лица, како што беше претходно дефинирано, сега ограничувањето е на 50 лица.
Постарите лица, пензионерите не треба да ги напуштаат своите домови, полицијата ќе врши проверки за почитување на мерките, во спротивно ќе следат казни од 3000 евра. Сепак, она што се доживеа како најизненадувачко во обраќањето на Вучиќ е пораката дека граѓаните од денеска ќе ја гледаат војската на многу места, пред болниците и пред други јавни установи.
Дел од политичките аналитичари проценија дека од такво нешто засега нема потреба, дека со тоа Вучиќ сака да ја компензира препреката кој се создаде со ситуацијата со коронавирусот, односно неможноста да се одржи воената парада предвидена за 3 април, кога е Денот на Армијата. Демонстрацијата на воената сила, велат тие, е високо на агендата на актуелната власт како сегмент кој треба да се искористи како доказ за нејзината челична цврстина и непробојност.
Сите оние кои инсистираат на законитост треба да се придржуваат кон одлуката за воведување вонредна состојба, изјави Миленко Васовиќ, уредник на порталот Нова.рс во утринското гостување на телевизија Н1. Сепак, тој додаде дека во вчерашното обраќањето на претседателот Александар Вучиќ, препознал елементи на „мала политичка пропаганда“ по повод вонредната состојба.
„Наидовме на краток пат од тврдењето дека станува збор за смешен вирус и дека нема потреба да се прекинува наставата, до тоа да се воведе вонредна состојба. Овој пат поминавме премногу брзо, и ова може да биде малку збунувачко за граѓаните“, рече Васовиќ.
Зошто, според него, во ваква ситуација, треба да се истакне дека мојот брат е Си Џипинг. „Научив дека претседателот има уште еден брат. Без разлика дали е на страната на неговиот татко или на неговата мајка“, рече Васовиќ.
Тој посочува дека пораката е испратена до гласачите, на кои им е кажано дека само затоа што јас сум претседател, ќе добиеме поддршка од Кина, со акцент на тоа дека „европската солидарност не постои, тоа е мртво слово на хартија“. Васовиќ објаснува дека ваквите скриени пораки се посилни и поубедливи од директната пропаганда.
Говорејќи за економските последици од коронавирусите и изјавите дека економскиот раст од четири проценти е неостварлив оваа година, Васовиќ рече дека Владата ќе си припише голем успех себеси без оглед на резултатите.
„Ние нема да знаеме што точно се случува за време на вонредната состојба, какви одлуки се носат, каде одат парите“, рече Васовиќ, потсетувајќи на периодот 2014, годината и периодот на поплавите.
„Имам впечаток дека оваа состојба ќе се искористи и за некој да направи нешто под житото“, вели тој.
Кога станува збор за дисциплината на граѓаните во однос на почитувањето на воведените мерки, Васовиќ проценува дека „сме дисциплинирани кога ни зависи главата“.
Тој предупреди на непотребно создавање паника во јавноста и го пренесе своето искуство пред две аптеки каде, како што вели, се појавила расправија за недостаток на маски, а една дама, рекла, дека скоро плачела вознемирена затоа што имала баба и дедо дома и не можела да купи маски.
Премиерката, Ана Брнабиќ, соопшти дека границите на Србија ќе останат затворени, освен за српските државјани кои се враќаат од странство, како и за дипломатите и странските државјани со дозвола за престој.