Вечерва во 20 часот истекува 24-часовното задржување во станица, а дотогаш обвинителството треба да даде предлог дали ќе му биде одреден притвор. Доколку не биде определена таа мерка, тој ќе биде пуштен дома. Телото на починатата девојка е дадено на обдукција.
Возачот Ј.Ѓ., кој синоќа кај Сити Мол, како што претходно информиравме, ја усмрти 24-годишната девојка од Радовиш, В.Н, а во тешката сообраќајка беше тешко повреден и нејзиниот сограѓанин Л.Д., е задржан во полициска станица.
Од 22-годишниот Ј.Ѓ. биле земени веднаш и биоматеријали за анализа, крв и урина, за да се провери дали има присуство на алкохол и опојни дроги, потврдија од МВР за НОВА ТВ.
Вечерва во 20 часот истекува 24-часовното задржување во станица, а дотогаш обвинителството треба да даде предлог дали судот ќе му одреди притвор. Доколку не биде определена таа мерка, тој ќе биде пуштен дома. Телото на починатата девојка е дадено на обдукција на Институтот за судска медицина.
– Министерството за внатрешни работи, по насока на јавен обвинител кој ја води истрагата, веднаш ги презеде потребните мерки и активности. Сторителот е приведен во полициска станица, земени се крв и урина за утврдување на тоа дали има присуство на алкохол и опојни дроги, што е стандардна процедура во вакви случаи. МВР постапува по насоките на обвинителот за целосно расчистување на случајот – изјавија од МВР.
Од Основното јавно обвинителство Скопје (ОЈО) информираа дека увид на местото на тешка сообраќајна несреќа во близина на ТЦ „Сити мол“ во Скопје, синоќа изврши Јавен обвинител од ОЈО Скопје.
– Според првичните сознанија, до несреќата дошло кога патнички автомобил „Цитроен Ц4“, управуван од лице на возраст од 22 години, удрил во двајца пешаци, девојка и момче на возраст од по 24 години, кои поминувале преку улицата. Од здобиените повреди, оштетената починала на лице место, додека другиот пешак е повреден и пренесен во болница. По наредба на јавен обвинител, возачот на автомобилот веднаш по несреќата е лишен од слобода и задржан во полициска станица. Јавниот обвинител издаде наредба за обдукција на телото на починатата, а нареди и вештачење на примероци од крв и урина од возачот на автомобилот со цел да се утврди дали тој управувал со возилото под дејство на алкохол или други недозволени супстанции – соопштија од ОЈО.
Обвинителот издал и наредба за обезбедување на снимките од видео надзорот на местото каде се случи несреќата.
– Се преземаат и други дејствија за целосно расчистување на случајот, по што ќе биде донесена одлука за натамошното постапување., додаваат од скопското обвинителство.
Момчето од Радовиш Л.Д., кое вчера беше прегазено заедно со девојката, која загина, е во добра здравствена состојба, но сеуште во шок, е пуштено на домашно лекување, велат од Универзитетска клиника по хируршки болести „Св „Наум Охридски“.
Според Кривичниот законик, максималната казна за нанесување тешка телесна повреда со смртни последици е 15 години затвор.
(Љ.Б.)