Вашингтон: Врховниот суд на САД и нареди на администрацијата на Доналд Трамп да ја запре депортацијата на Венецуелците обвинети дека се членови на озлогласена банда, според закон од 18. век.
Одлуката доаѓа откако американското здружение за граѓански слободи (АЦЛУ) поднесе тужба против администрацијата на Трамп поради планираните депортации на Венецуелци кои се држат во притворен центар во северен Тексас.
Врховниот суд денеска и нареди на владата „да не отстранува од САД ниту еден член од предложената група притвореници додека не одлучи поинаку“.
Американскиот претседател Доналд Трамп го активираше Законот за странски непријатели од 1798 година и ја обвини венецуелската банда Трен де Арагуа (TdA) за „извршување, обид и закана за инвазија или ограбување“ на територијата на САД.