Женскиот тенис во иднина со неколку новитети. Ги одобри ВТА и опфаќаат промена на правилото при одредување на носители во случаите на враќањето на турот по породување и дрескод на некои турнири.

Од Здружението наведуваат дека тазе мајките ќе добиваат „специјален ранкинг“ по враќање од породилно отсуство и до третата година од породувањето. На ова ќе може да се повикаат и исклучоци на големите турнири.

Последни тенисерки што се породија се поранешните број еден на ВТА листата, Серена Вилијамс и Викторија Азаренка од Белорусија.

Меѓу одлуките и за промена на правилото за облекување. Според новото, тенисерките нема да бидат казнувани ниту ќе биде забрането да носат хеланки или специјални шорцеви без фустанче.

Серена Вилијамс, на пример, оваа година не беше носителка на Ролан Гарос што беше нејзин прв гренслем по раѓање на ќеркичката Олимпија. Од здравствени причини таа носеше црн комбинезон за време на мечевите што беше специјално дизајниран за подобра циркулација по породувањето и проблемите со згрутчување во крвта. Но, затоа тенискиот сојуз на Франција во август оваа година се огласи и соопшти дека ќе ` забрани на Американката да игра во комбинезонот на Ролан Гарос во 2019 година.