Кривичниот суд во саботата повторно го одби барањето на Специјалното јавно обвинителство за замрзнување на партиското седиште на ВМРО-ДПМНЕ. Од СЈО за повеќе медиуми потврдиле дека пристигнало известување според кое барањето за случајот „Талир“ се одбива.
Првоосомничен во во овој случај е претседателот на ВМРО ДПМНЕ Никола Груевски за незаконско финансирање на партијата, перење пари, злоупотреба на службена положба и овластување.
Првото барање за замрзнување на имот на партијата веднаш по отворањето на случајот беше одбиено бидејќи, според образложението од судот, немало доставено транскрипт поврзан со случајот и немало докази дека има кривично дело врз база на јавни набавки.
Овојпат, според информациите од СЈО, судот одбивањето на барањето го образложил со тоа дека „се работи за договори за градежни работи, а не и докази дека се врши донација од Бетон“ и дека немало докази за имот стекнат со кривично дело.
Засега нема известување за барањето на СЈО за замрзнување на имотот и на првоосомничениот во случајот „Триста“, за јавна набавка за купување и сервисирање на возила, при што постои основано сомнение дека помошник министер во МВР преку избор на фимри кои не биле економски најповолни на овој тендер, го оштетил буцетот за 2.789.455 денари или 453.570 евра.