Вучиќ и Курти го потврдија учеството на состанокот во Брисел на 27 февруари

Претседателот на Србија, Александар Вучиќ и премиерот на Косово, Албин Курти го потврдија учеството во новата рунда од дијалогот на високо ниво меѓу Белград и Приштина, што ќе се одржи во понеделник (27 февруари) во Брисел. На состанокот ќе се разговара за предлогот на ЕУ за нормализација на односите меѓу Косово и Србија, соопшти денеска Европската служба за надворешни работи.

Високиот претставник на ЕУ за надворешна политика и безбедност Жосеп Борел и специјалниот претставник на ЕУ Мирослав Лајчак почнувајќи од 15 часот ќе одржат одвоени состаноци со лидерите, по што ќе следи заеднички состанок.

На крајот од состанокот е предвидена изјава на Борел за медиумите.