„Од 2024 нема да има граници помеѓу нашите земји“, рече Вучиќ на Економскиот форум во Скопје Кога имавме идеја за вакво нешто сите имавме различни проблеми, на пример Србија и Албанија никогаш во минатото не биле блиски. Но ние одлучивме од погледот кон минатото главата да ја свртиме кон иднината и да размислиме и да им оставиме нешто на нашите деца, рече претседателот на Србија, Александар Вучиќ на Економскиот форум во Скопје.
Тој додаде дека ќе се работи на голем број инфраструктурни проекти во регионот, за што ќе се формира и специјално Советодавно тело, кое ќе ги координира процесите. Според Вучиќ за пет до шест години земјите од иницијативата ќе ја достигнат словачката економија по инвестиции, бидејќи, како што вели, и пазарот ќе биде поголем.
„Ние секако дека сите сме на Европскиот пат, но не сме глупави ниту наивни дека некој ќе работи во полза на нашите земји доколку тоа ние сами не го правиме“, изјави претседателот на Србија, Александар Вучиќ на Економскиот форум кој денеска се одржува во Скопје.
Претседателот на Србија Вучиќ додаде дека со ова се докажува дека Србија, Македонија и Албанија докажуваат дека меѓу себе се способни да се помагаат и да го подобруваат животот на граѓаните. Според него треба да се покрене машинеријата на раст и ќе се стимулираат заштедите на стопанствениците, со цел да реинвестираат во своите бизниси.
„Доколку успееме да ги надминеме административните проблеми, од 1-ви јануари 2023 година нема да има граници меѓи нашите земји, граници ќе има, но нема да важат за нашите граѓаните. Тоа ќе биде историски момент“, додаде претседателот Вучиќ.
Економскиот форум ќе донесе олеснување и кај трговците, по денешните потпишани меморандуми секој кој продава било што нема веќе да застанува на граничните премини.