Published: Thursday, October 7, 2021 15:12
Аеродромот на шпанскиот остров Ла Палма повторно беше затворен поради пепелта од вулканот, кој е активен речиси три недели. Научниците наведуваат дека натамошниот развој на ерупцијата е непредвидлив. Ерупцијата се смири претходните денови, но вулканот продолжува да исфрла лава.
Во Ла Палма, еден од Канарските Острови со 85.000 жители, регистрирани се 16 земјотреси во претходните 24 часа, чиј интензитет не надмина 3,5 степени. Лавата принуди на евакуација над 6.000 луѓе и уништи повеќе од 600 куќи.
Поради облак од пепел, аеродромот на островот беше привремено затворен и минатиот месец.