Реваншот од финалето на Копа Либертадорес Ривер Плата – Бока Јуниорс е повторно одложен. Според најавите кои доаѓаат од Аргентина, претседателите на двата клуба дополнително треба да одлучат каде ќе се игра натпреварот. Средбата меѓу раководствата на двата клуба е закажана за 27 ноември.
Натпреварот беше одложен за вечерва во 21 часот, откако претходниот термин беше откажан поради инцидентот предизвикан од навивачите на Ривер кои пред стадионот „Монументал“ го каменуваа автобусот на Бока, а потоа фрлија и солзавец кон играчите на гостинскиот тим.
По овие инциденти некои играчи на Бока беа повредени.
Првиот натпревар заврши со нерешен резултат – 2: 2.
Денеска Бока Јуниорс побара од Федерацијата на Јужноамерикански фудбал – КОНМЕБОЛ да го откаже реваншот.