Пријавени се 68 смртни случаи во 19 градови во текот на изминатата недела, за 45,6% помалку во однос на претходната недела. Најголем дел од нив се од Скопје (27)
Активноста на коронавирусот во земјава значително се намалила во минатата недела – регистрирани се за 39 отсто помалку заразени, а за 45 отсто помалку починати. Вкупно 543 граѓани се инфицирале по вторпат, што е помалку за 37 отсто, а еден и по третпат фатил ковид-19, покажува најновиот извештај на Институтот за јавно здравје за периодот од 21 до 27 февруари годинава.
Кавадарчани најмногу се заразувале
Тестирани се вкупно 19.217 материјали во лабораториите во кои се спроведува молекуларно и антигенско тестирање за присуство на SARS-CoV-2, со намалување од 17,9% во однос на минатата недела.
Регистрирани сe 3.702 нови позитивни случаи од 34 градови во државата, со намалување од 39,5% во однос на минатата недела (n=6.120). Процентот на позитивност се движи од 13,1% до 24,2%, просечно 18,6%.
Најголем дел од регистрираните случаи се од Скопје (n=1.975; 53,3%), а највисока неделна инциденца е регистрирана во Кавадарци – 394,1/100.000, Скопје – 311,4/100.000 и Гевгелија – 285,3/100.000.
Најмногу заболувале постарите од 60 години, најмалку децата
Регистрирани се заболени лица во сите возрасни групи. Најзастапена е возрасната група на лица на возраст над 60г (n=951, 25,7%). Најмал број е регистриран кај возрасната група од 0-9 години (n=194; 5,2%).
Во однос на претходната недела, се забележи намалување на бројот на заболени кај сите возрасни групи, со најзабележително намалување од 43,6% во возрасната група од 10-19 години и 43,5% кај лицата на возраст од 50-59 години
Согласно новиот алгоритам за оздравување во текот на минатата недела со статус „оздравени“ се стекнале 6.094 лица во хоспитализирани услови или на домашно лекување.
Починале 68 лица во 19 градови, најмладите на возраст од 40 до 49 години
Во текот на минатата недела вкупно се пријавени 543 реинфекции, од кои една е втора реинфекција, со намалување за 37,2% во однос на претходната недела.
Пријавени се 68 смртни случаи во 19 градови во текот на изминатата недела, за 45,6% помалку во однос на претходната недела. Најголем дел од нив се од Скопје (27). Во однос на возраста, најголем број (n=63; 92,6%) од починатите припаѓаат на возрасната група над 60 години, а регистрирани се починати лица и кај возрасната група од 50-59 години (2) и 40-49 години (3).
Речиси 300.000 позитивни лица и 9.010 смртни случаи
Од 15.02.2020-27.02.2022 тестирани се вкупно 1.890.628 материјали (детектирани 297.262 позитивни лица).
Заклучно со 27.02.2022, регистрирани се вкупно 10.474 (3,5%) реинфекции, од кои 27 лица се заразиле по третпат.
Досега се регистрирани 9.010 смртни случаи (Лт=3,0%). Во однос на недела на пријавување најголем број се регистрирани се во тек на 14-тата недела во 2021 (n=297).
Од ИЈЗ напоменуваат дека „според категоризацијата на ризикот и проценката на ситуацијата земајќи ги предвид индикаторите на СЗО за можноста за понатамошна трансмисија и капацитетите за одговор на земјата се проценува дека: Република Северна Македонија е во фаза на широка трансмисија, подниво 3, со соодветни капацитети за одговор“.
Во однос на состојбата во светот, по земји, најновите податоци од СЗО се на следниот линк
(Љ.Б.)